الأحد 08/12/2019



وحدة شعور
   

2019-03-24 12:51:36

959

هاله النعمي
 
 
‫وحيد شعور على النية ،، وقلبي فرحته ماتعود‬
أشيــل أحزاني المُـره،، وأشكلها على كيفي !!
رسمتك حلم بعيوني ،، بلون أشواقي الموعود
تمنيتك تكون الواقع ،، اللي معانقٍ .. طيفي !
تعبت أدورك في ضحكتي رغم الليالي السود
ورغم شوقي ترجيتك ،، أحارب لهفتي بسيفي !
وحيد شعور أناديلك عسى ذاك الصدى مردود
عساك تحن في غيابك ،، وتتذكر .. تواصيفي !
كتبتك .. ياغلا روحي ،، قصيدٍ للوله مولود 
أنا الأفكار في ،، عالم قصيده ،، كان تأليفي !
أحاول أسحب شعوري ولكن عالمك مشدود
أبيك تحس في جرحي ترى دمع الوله ضيفي !
وحيد أرجع بلا لقيــا ،، لقيت أن الدرب مسدود
متى تعطف على شعوري وتكسر صبري وزيفي ،،
رجعت أصفق كفوفي ،، وكانت صدمتي بحدود
بأشيل أحزاني وصمتي وأشكلها على ،، كيفي !!
 
هاله النعمي



طباعة
أضف تعليق
الإسم : *
البريد الالكتروني : *
الدولة : *
محتوي التعليق : *